Marasil 2

مراسيل ٢ هتاخدك لبُعد مُختلف، لزمن الرسائل الورقية فيه كانت هي وسيلة التواصل بين الأحباب و الأهل و الأصدقاء، كانت فيه المشاعر والأحاسيس حقيقية و صادقة . 

تخيل إنك عايش في قصر علي قمة تل في بدايات القرن الماضي وقاعد على مكتب خشبي مضاء بشمعة وبتكتب جواب بتقول فيه انت حاسس ايه لشخص مفتقده جداً... مراسيل ٢ هتخليك تعيش في جو سنة ١٨٨٠ وتديك الفرصة تكتب رسائل ورقية حقيقية تعبر فيها عن مشاعرك.

مراسيل هي كتاب جوابات مكون من ٥٤ جواب عناوينهم مكتوبة علي ايد واحد من أفضل كُتاب الكتب اللي بتوصف المشاعر "مصطفي شهيب". تم تصميم الجوابات بدقة وبعناية بأشكال مختلفة عشان تساعدك تعبر عن مشاعرك وتكون مناسبة في كل المواقف اللي ممكن تمر بيها سواء كان مناسبة، عيد ميلاد، شغل جديد، حب جديد، عتاب، أو حتى كلام بتبعته لنفسك علشان تقراه في المستقبل.

كل جواب في مراسيل ٢ هو رسالة و ظرف في نفس الوقت بالإضافة لعلبة مملوئة بالطوابع المصممة لتناسب الجوابات علشان تضيف لرسائلك بهجة وروح الرسايل القديمة .

خط أيدك هيقول كلام كتير ميتقالش بالكيبورد.

مواصفات مراسيل ٢

•  بوكس بمقاس ١٦ × ٣٥ سم.

• كتاب هارد كافر بداخله ٥٤ جواب ورسالة.

• علبة طوابع بداخلها طوابع (استيكر)  لسهولة لصقها عالجواب.