Maalesh | Games

لعبة معلش 

اللعبة مستوحاة من الحياة الواقعية للاعبين وممكن تتلعب على مدار سنة.. ست شهور.. شهر.. أو اسبوع.

أساس اللعبة قايم على مجموعة من الأوامر والمقالب الممتعة بين شخصين علاقتهم قوية وعايزين يوطدوها أكتر ويصنعوا ذكريات ماتتنسيش.

لعبة معلش مناسبة لكل العلاقات الاجتماعية لأنها بتديك الحرية تستبعد الكروت الغير مناسبة لعلاقتكم بشرط يكون معاكم نفس عدد الكروت.

اللعبة مكونة من مجموعتين من الكروت، كل شخص بيقسم كروته ويختار الكارت اللي هيلعبه في الوقت المناسب، وعلي اللاعب التاني ينفذ الأمر أو يستخدم كارت الرفض بتاعه لمرة واحدة.

مثال : لو اتنين أصحاب بيلعبوا اللعبة وراحوا مكان عام ومش لاقين حاجة يعملوها، (لاعب 2) ممكن يتحدى الملل ويطلب من زميل اللعبة أنه يورينا مواهبه لمدة ربع ساعة .. ويمتع الجمهور بغناء أو رقص أو عرض كوميدي ..

(لاعب 1) يقدر يستخدم كارت الرفض ويلغي الأمر، أو يقدر يحتفظ بكارت الرفض لموقف أشد سخونة ويقبل الأمر ويبدل الأطباق.

اللاعب الكسبان هو اللي عرف يبهدل صاحبه بحرفنة وذكاء.